April 24,2008

      Grabe walang magawa dito sa bahay. Wala ng laman kundi mga tv at computers. Kahit ref wala na rin, naisipan ko sanang mag-empake nalang ng damit at gamit para sa April 25, pero wala na din pati cabinets namin. Pupunta ako sa probinsya ng Tatay ko sa Dumaguete, parang excited ako na takot kasi hindi ko naman kilala masyado mga tao dun eh, huling punta ko dun sampung taon na ang nakakaraan. Maganda dun, maraming virgin na bundok at batis pero back to basic nanaman. Wilderness here I come, again.

             Hindi ko akalaing lilipat pa kami ng bahay, malalayo na ko ng konti sa mga highschool friends ko at hindi na nila ko basta-basta madadalaw sa bahay ko pag gusto nila. Nakakamiss mag-jamming at kwentuhan to the max kasama sila. Sa bago naming subdivision, tahimik at marami pang vacant lots pero at least mahangin. Hindi katulad dito, dikit dikit mga bahay, wala ng hangin tapos ang iingay pa ng kapit bahay namin. Lalo na yung katabi naming bahay, parating nag-iinuman. Yung pasimuno, napakaliit na tao, mga 3'8 ganun pero napaka lakas naman ng boses. Kara-oke ng kara-oke, tapos hating gabi na nagtatawanan pa ng malakas.

        Simula ng ma battery empty ako sa Calatagan, hindi ko pa rin nacha-charge yung cellphone ko. Tapos hiniram ng kapatid ko yung simcard ko para kunin yung load, watdapak haha. Nakita ko tuloy madaming nagtxt sakin, mga highschool friends na gusto pumunta sa bahay kagabi kaya lang wala ako sa mood eh. Pagod pa ako. Kahit nakatulog naman ako ng mahimbing sa Calatagan ha-ha.

         Dapat ngayon nagiisip na ako ng thesis ko eh. Pero wala sobrang dami kong lakad, grabehan itong summer na ito. Siguro sabi sa horoscope ko "Maglalakbay ka ng maglalakbay ngayong bakasyon.." Or something like that. Ano kayang mangyayari sakin sa Dumaguete. Ang tanga ko pa magbook ng flight ah, Tuesday kami uuwi eh coding yun ng parehong sasakyan. Kung di ba naman ano.

       Wala lang gusto ko lang magblog-blog. Hindi ko pa rin nabloblog yung trip to Cebu City ko.